Paseos en Barco e visitas a adega.

Quen non quere vivir a experiencia de percorrer un dos tesouros mellor escondidos da Península Ibérica? Un lugar onde a historia, a cultura, a paisaxe, a viticultura heroica, a gastronomía e por suposto as súas xentes, fan del un lugar especial.

O paseo en barca de Sacra Activa aporta un plus a esta experiencia, xa que permite gozar dunha embarcación moi comoda e respetuosa co medio ambiente, visitando unha auténtica adega, facendo un enoturismo diferente.

Dende nenos traballamos as viñas, nas excursións invitámosvos a tomar o viño das nosas cepas, así como outros elaborados en Galicia, principalmente da DO Ribeira Sacra, das abas do río Miño ou dos Cañons do Sil.

Estamos a comezar e o noso soño é transmitir o sentimento desta terra na que nos criamos,a que amamos.

Só tes que reservar a túa actividade e vivir unha das experiencias que ofrecemos e que quererás contar.

Sacra Activa

Martín Martínez

Crieime pastoreando vacas e traballando os viñedos na miña aldea de Pantón e nas dos meus avós en Sober, localidades do corazón da Ribeira Sacra que a miúdo se chama a “Galicia rural”.
Na adolescencia mentres axudaba aos meus pais con traballos agrícolas, estudei FP2 en Monforte de Lemos.
Con 20 anos tentei desfacerme da dureza do traballo de campo que tanto vin nos meus pais, así que busquei outra forma de vida ..., tiven éxito. Comecei os meus propios proxectos e isto levoume a vivilos en diferentes lugares de España e Ameria Latina co que significa o "run run" do pequeno emprendedor.
Agora a Ribeira Sacra xérame tranquilidade e diversión, así que decidín facer o que máis me gusta, intentar que outros disfruten coma min. Así, nos últimos tres anos restaurei unha adega, merquei un pequeno catamarán e obtiven a habilitación da Mariña Mercante para o transporte de pasaxeiros e así poder patronealo.
¿Queres subir ao meu barco e visitar a adega ECOSACRA? Mostrareiche a beleza e o sentimento destas terras.
"A xente esquecerá o que dixeches, tamén esquecerán o que fixeches, pero nunca esquecerán como os fixeches sentir"
Maya Angelou

 

ADEGA DE GARDA

Ecosacra é unha “adega de garda”, unha auténtica adega da Ribeira Sacra, un pequeno museo que transmite a vida dos nosos devanceiros, unha forma de vida, a auténtica “viticultura heroica”.

A súa ubicación é privilexiada, un lugar fermoso e cheo de paz, onde a nosa filosofía é que o disfrutes comodamente de forma privada, sen prisas.

Nas nosas visitas á adega Ecosacra, facemos un Enoturismo moi personalizado para grupos reducidos.

Sacra Activa
Sacra Activa

Rutas polo Miño

Coa comodidade que ofrece a nosa barca, poderás coñecer un marabilloso destino chamado "O Cabo do Mundo", a Illa de Maiorga, achegarte aos viñedos de Finca Millara polo río, á pintoresca vila de Belesar, á aldea somerxida de Portotide ou á fervenza de Auga Caída.

Non pasarán desapercibidas as igrexas románicas de Nogueira en Chantada, San Martiño da Cova no Saviñao ou Chouzan en Carballedo, os viñedos perpendiculares e as paisaxes naturais que ofrece esta parte da Ribeira Sacra.

Desde o meandro “O Cabo do Mundo” levaraste os mellores recordos, ao navegar por un lugar especial como a Ribeira Sacra, un destino marabilloso para explorar en familia, amigos, parella ou mesmo só. En Sacra Activa facemos paseos privados onde o grupo ven formado ademais de rutas organizativas onde se comparte o paseo con outros viaxeiros. Se o desexas, non dubides en contactar connosco e axudarémosche a deseñar a túa viaxe segundo as túas expectativas.

 

ENOTURISMO RIBEIRA SACRA

Na nosa iniciativa tiñamos claro que dar un paseo polas nosas viñas, navegar en catamarán, visitar unha adega e rematar degustando un viño de cada subzona da D.O. Ribeira Sacra, dirixida polo adestrador WSET Jorge Vila en Ecosacra, sería unha gran experiencia.

Adquirimos viñedos que rescatamos do abandono, recuperando cepas centenarias, incluso sen enxertar, replantamos as fallas con variedades autóctonas galegas, as chamadas "añeiras".

Apasionanos facer a viticultura que vivimos de pequenos, a dos nosos avós, totalmente respectuosa co medio.

Se che gusta o mundo do viño, o noso Ribeira Sacra Wine tours é unha das mellores experiencias de enoturismo de día completo en Galicia.

Sacra Activa

A  NOSA EMBARCACIÓN 

É unha barca para 11 pax + patrón, segura e cómoda.

Ademais do seu motor de combustión de 150 CV, utiliza propulsión eléctrica, o que a converte no primeiro barco híbrido que transporta pasaxeiros na Ribeira Sacra, unha iniciativa medioambiental que, ademais de non contaminar, ten a vantaxe de non xerar ruído, isto permite percibir todos os sons e sensacións que ofrece a paisaxe e a natureza das beiras do río Miño.

O noso catamarán conta con todas as medidas de seguridade requiridas pola Mariña Mercante para o transporte de pasaxeiros en augas continentais. Adecuado para o transporte de nenos a partir de 0 anos e persoas con mobilidade reducida, tamén ten dúas portas para o embarque de pasaxeiros tanto na proa como a babor.

O MIÑO

Sacra Activa fai os paseos polo río Miño, na cola do encoro dos Peares, onde hai máis de 24 km navegables, unha ruta que atravesa os municipios de Chantada, O Saviñao, Pantón e Carballeda, todos na provincia de Lugo. Os Peares, cuxo nome tamén leva o encoro, é unha pequena vila que pertence a 2 provincias e 4 concellos e onde o Miño atópase co Sil.

O paseo en barca pola Ribeira Sacra permíte percibir a paisaxe desde o medio do río cunha perspectiva diferente. Os viñedos, as súas terrazas desde o cumio para tocar as augas, bosques frondosos e autóctonos de varias especies, así como aldeas ao pé do río, illas, igrexas, incluso,posiblemente, un dos lugares máis sorprendentes e máxicos de a Ribeira Sacra, a fervenza de “AUGA CAIDA”.

Aínda que esta ruta en barco é menos coñecida polo gran público que as dos catamaráns do cañon do Sil, unha das imaxes máis asociadas á Ribeira Sacra, o meandro “O CABO DO MUNDO”, faise precisamente neste lugar.

 

Ribeira Sacra terra Bendita

Ribeira Sacra é terra de viñedos centenarios, con paisaxes naturais impoñentes como os canóns do Sil, ou as súas igrexas e mosteiros medievais; os seus numerosos carballos poderían reafirmar a teoría de que o nome desta terra provén de Revoira Sacrata, ou carballo sagrado, a árbore divina dos celtas.

 

Construcións espirituais como o Mosteiro de Santo Estevo de Ribas de Sil, xunto cos Canóns do Sil, Santo Estevo de Ribas de Miño e a Igrexa de Santa María de Nogueira na beira do río Miño ou o mosteiro do Divino Salvador de Ferreira de Pantón, o único que conserva a súa función monástica case desde a súa creación ata a actualidade en toda Galicia, indicando que é unha terra propicia para a paz e a tranquilidade que o home buscou dende o principio dos tempos.

Na Ribeira Sacra, as marxes quebradas dos ríos Miño e Sil chegan ata os 500 metros de desnivel, o que non impide que se utilicen para a elaboración dun viño mítico, en viñedos incomparables, a "Viticultura Heroica" case única en Galicia no planeta..

 

¿Por qué reservar a túa actividade con Sacra Activa?

COÑECEMENTO

Temos o verdadeiro coñecemento e sentimento que só se adquire medrando eiquí, xunto cos nosos pais e avós que sempre viviron no campo rodeados de natureza.

Ademais, coidamos de formarnos, con cursos de Turismo, Enoturismo, catas de viños e traballando os nosos propios viñedos, por iso coidamos os detalles da túa excursión, para que a túa experiencia non falte de detalle.

BARCO

Temos un barco pequeno e cómodo, o seu motor é híbrido, e co motor eléctrico non fai ruído, procuramos ser o máis sostibles posible. Pola súa dimensión, o noso barco pode achegarse a calquera recuncho do río, e descubrir zonas virxes.

É a embarcación ideal para realizar este tipo de viaxes polo río Miño nun ambiente saudable e reducido.

SEGURIDADE

O noso patrón conta coa titulación esixida pola Mariña Mercante para o transporte de pasaxeiros, ademais o noso barco conta coas medidas de seguridade preceptivas. Cumprimos con toda a normativa esixida polas distintas administracións tanto na embarcación como nas instalacións.

Ademais de seguir todos os protocolos para garantir o benestar dos nosos viaxeiros nestes tempos de pandemia.

 

CALIDADE/PREZO

As nosas rutas privadas son só iso, privadas e exclusivas. As Rutas Organizativas son máis baratas, non obstante, non é o mesmo pola lonxitude da ruta e a duración.

A dedicación, calidade do barco e exclusividade da nosa adega.

Todo isto fai que Sacra Activa ofreza actividades cunha calidade/prezo moi razoable.

 

Qué opinan os que xa viaxaron con nos

Julio Castro
Santiago de Compostela, 17/03/2021
Fin de semana espectacular en A Ribeira Sacra

Mana Canoa Peralba
Vigo , 18/10/2020
Día en familia

María
Madrid, 20/09/2020
Paraíso en el interior de Galicia







Tours Adega Galería Prezos Contacto Opinións dos viaxeiros